جايز تكون نظــرتي جريئه
جايز تكـون خطوتي بطيئه
بس حـاســـس إني هوصل
للنجاح ملـــــــيون طـريقه
وآه
30 يــــوم اتجمعوا واتلـــــموا وعــملوا شــــــــهر
و 12 وزن 30 يــــوم بقــــــــــــى عـــام م الدهـر
يعني يــــــوم بقى شهر بقى عــــــــــــــام بقـــى دهـر
سبحانه اللــي جمع نقاط الميه م المطر وخلاها نهر
وآه
نقــــــطه حمرا نزلت في ســــروالك يا بنتي
قوم تخـــــــافى وتبكي ولا تعــــرفى إن إنتي
محسوبه من دلوقتي عالصـــبايا والعرايـس
روحي لأمك واسأليها وفرحــيها إنك كبرتي
وآه
أنا من خلفتك يا آدم ونفسي أعيش إنسان
مش زي ما أنا عايش مذلول مظـلوم مهان
الله خلــقنا كلنا من مــــــــاء مهــــين وطين
ولا حــــد زاد عــــــــــن حــــد إلا بالطـغيان
وآه
العمــر إيه غـــير حـــــبة سنين
بتعيشهم يا إنسان حيران حزين
صحــيح الفرح والحب بتشوفهم
لكــنهم بيمــروا مرور الأكرمين
وآه
على ســلم نقابته قاعــد ماســـــك ميكروفونه
يشجــــب ويندب ويحكي عن همــــه وشجونه
مالكـــم بيه يا عسكر ماتســــــــيبوه في حاله
لا تضـربوه ولا تسحلوه وقولوا الله في عونه
وآه
زحمه وتجمهر وصويت وناس صابها الجـنون
أفراح وأحزان وعيون على كل شكل ولـــــون
هــــــي دي الدنـــــــــــــــــــــــيا يا عـــــــــــبلة؟
ولا دي ســويقه في مولد وده حــــــال الزبون؟
وآه
يا كل من كان مــولود بداء
داءك صعيب لــكن له دواء
الدعا لله والرضـــا والصـبر
روشته موصوفه لأي ابتلاء
وآه
يا كل مــــن آمن بالله واحــــــــد أحــــد
واختار محـــــــمد رسول الله وبه شــهد
سيب كل مـــن كان له طريق يمشي فيه
ولا تجبره ولا تهدره دمه حرام وإن لحد
وآه
ليه الدول والشعوب ما بينها صراعــات
نووي وحدودي وديني وكمان حضارات
مع إننا كلنا من بطـــــــــن أمـــــنا حوا
وآدم أبونا يعــــني في الأساس إخــوات
وآه
خــــــــد وردة منــــى وأديـــــــــــها لأى أم
وبـــــــــوس ايديها وراسها واكتبلها بالدم
بنحبــــــــــــك ياللى ضحيتى بحياتك عشانا
وزرعتى جوانا السعادة وشيلتى عنا الهم
وآه
علم الفلك من أقـــــــدم علــوم الكون
واللــي يآمن بيه يبــقى أكـــيد مجنون
وَكسَه وخِيبه للي بيقولوا البرج قــال
لو كان كلامهم جـد حالهم كده يكون!
وآه
بصيت لـــــفوق نظري وصـــــل للـــعدم
وكان فــاضلي عالنهايه خطــوة قــــــدم
وإزاي أعـــود أبص للأرض مــن تـاني
وأنا اللي فوق شفت النـــــجوم والسدم
وآه
قلــــبي بينهج وبيترعــــش م الخـــوف
لــــــــوني بيصـــفر وبقيـــت مخــطـوف
ده حــــــــلم ولا عـــــــلم أنا شــفت إيه
معـــقوله أكــون شفت القمـر مكسوف
وآه
يا كـل آه مكـــــتومه جـــــوايا
قومي اصرخي.. اطلعي بــرايا
واحكــــي عن رعـبك وخـوفك
لما بتفـــــــــــتكري الحـــــكاية
وآه
يـــــــا رب الطـــف بالعـــــباد دول غـــلابه
ومايملكوش غير اللسان ومش قد الديابه
يــــــارب عـــــــبادك انت أعلـــم مني بيهم
كتــــــاكيت وفـــــاكرين إنهم هيهزوا غابة
وآه
الثلاثاء 19 ديسمبر 2017, 8:46 pm من طرف 
